السلام عليكم ورحمة الله وبركاته
اليوم حبيت نورلكم الغرايف تاعنا بطريقة تقليدية
المقادير :
4كيلات سميد + 5 بيضات + ملح + كاس زيت + ماء
طريقة التحضير :
ملاحظة :الكيلة لي كيلت بها السميد هي كيلة تاع 250 غ
نضع السميد +الملح + الزيت في قصعة
نخلط المقادر ثم نضع القليل من الماء و نعجن و نستمر في وضع الماء ( يمكنك وضعها في الخلاط )
نزيد الماء و نعجنوا مليح مليح مليح مع التقطيع اي العجن مع التقطيع ثم نضيف الماء بالتدريج مع العجن والتقطيع حتى تحصلين عل عجين شبه سائل
في هذه الاثناء ضيفي البيض تم واصلي التقطيع ( تقدري تحطي البيض فالاخر يعني بعد مايصبح الخليط سائل انا و ضعتلكم 5 بيضات لكن تقدري تزيدي احنا نحطو بزاف ,, نحطو البيض فالاول و فالاخر ايضا و نكترو البيض خاصة فالمناسبات باش يجي بنين )
حتى تتحصلي على عجين سائل وفي هذه الاثناء قومي بطهيه في الطاجين
( لغرايف التقليدي يحتاج للعجن لمدة طويلة مع اضافة الماء بشكل مستمر )
والصور توضح لكم
الغرايف اكلة حنا نستعملوها في المناسبات السعيدة مثل النجاحات السبوع التبريكات .....الخ
طبعا الطريقة صعبة على المبتدئات خاصة فالطياب
لكن طبعا كاين فرق كبير من ناحية الذوق بين لغرايف التقليدي و لغرايف لي يخدموه درك لي قولولو تاع العشر دقايق و يكون رقيق و خفيف و متقب و مايكونش معجن
هاذو صور منقولين من منتدى اخر ,, و ان شاء الله لما نخدموه نصورو و نحط الصور
شوفو الصورة الاخيرة كيفاه يبان خفيف و طري و متقب
احنا نطيبوه في طاجين لفخار
تقدري تديري المقادير فلعجان و طبعا نفس الطريقة تضيفي الماء شوي شوي هاذي طريقة اسهل و كي تتعجن مليح تحطيها فالروبو بكميات قليلة و تزيديلها الما حتى يرجع سائل و تحطي لعجين شوي شوي و تضيفيلو الما حتى تخلصي الكمية ,, انا وضعتلكم المقادير اربع كيلات بالنسبة للمبتدئين لكن تقدري تدوبلي الكمية
اتمنى لكم الاستفادة