بروفيترول بالشوكولاطة و القهوة

تاريخ التسجيل : 07/07/2014

بروفيترول بالشيكولاتة والقهوة

* المقادير:

200 جرام دقيق – نصف كوب مياه ملعقة زبدة – ربع ملعقة ملح 4 بيضات- فانيليا – ربع ملعقة سكر

* كريمة القهوة

باكو كريم شانتيه باكو كريم كراميل كوب لبن صغير 4 ملاعق نسكافيه

* صوص الشيكولاتة

250 جرام شيكولاتة مطبخ 2 كوب لبن ملعقة زبدة ملعقة نشا – 2 ملعقة سكر

* الطريقة:

* بنحط الماء في إناء مع الزبدة والملح والسكر لحد ما تغلي بعدين بتشيليها من على النار وبتضيفي الدقيق كله مرة واحدة ونقلب حتى يتماسك ويتجانس الخليط وترجعيه مرة تانية على النار لمدة دقيقة

* يتم التقليب حتى تصبح العجينة شبة الكرة ونضع العجينة في وعاء بلاستيك لحد ما تبرد ثم يضاف البيض واحدة واحدة والفانيليا مع اخر بيضة مع التقليب

* نضع العجينة لما تبرد في الكيس اللي بنشكل فيه الكريم شانتيه في صينية مدهونة زيت ودقيق اعملي كور من العجينة ودخليها الفرن لمدة من 20:30 دقيقة في منتصف الفرن – الرف الاوسط إلي ان يحمر الوش وتبقي منتفخة قليلاً بعدين بتطلعيها من الفرن وسيبيها لحد ما تبرد

* اضربي الكريمة مع لبن أو ماء مثلج إلي ان تغلظ ثم قومي بعمل الكريم كراميل على النار وسيبيها كام دقيقة تبرد وبعدين حطيها على الكريم شانتيه واضربيها بالمضرب لحد ما يبقى لونها بيج حطي عليها النسكافيه واضربيها

* أما صوص الشيكولاتة فحطي كل مكوناته مع بعض على النار وقلبيها بعذ ذلك بنحضر قطعة بروفيترول وبنشقها من النص شوية وبتحشيها بالكريمة ونغمسها في الصوص وتوضع في بولة التقديم

* لازم نخلي بالنا ان تكون البولات صغيرة وكل واحدة فيها 4 قطع ونحط الصوص على الوش ويتم تزيينها بالكريمة على شكل وردات او بالشيكولاتة البيضا بعدين بتحطيها تسقع شوية في التلاجة او الفريزر وتقدم “البولة الصغيرة تعطي حوالى 350 سعراً حرارياً.

شهية طيبة

توقيع العضو: Sirène