قلب اللوز ساهل ماهل بمناسبة شهر رمضان الكريم إن شاء الله نصوموه بالصحة و الهنا
المقادير:
- 3كيسان سميد نصف خشن (انا استعملت سميد سفينة نصف خشن)
-2 كيسان سكر عادي
-1 كاس فيه ½ ماء و ½ ماء زهر
-قرصة ملح
نخلط كامل المقادير مليح و نفرغ الخليط في سنيوة مدهونة بالسمن
نذوب كذلك شوية سمن في كسرونة ثم نذهن الوجه العلوي للخليط مع تقسيمه طوليا
ندخله في الفرن على نار هادئة و غير تبدا تحمار مالفوق نشعلها النار مالفوق
في هذه الاثناء نوجد الشاربات كمايلي
3 كيسان ماء + 2كيسان سكر (انا نقص مغرف عشا سكر باه ما تجينيش حلوة بزاف)
كي تبدا تغلي نقصي للنار و ماتخليهاش تعقد (لمدة 15 د فقط بعد الغليان)
كي تطيب الشاربات ديريلها شوية ماء زهر للنكهة
نصب الشاربات و هي سخونة على قلب اللوز سخون و نعاود ندخلها مباشرة للفرن و هو طافي و سخون باه تتشرب
ملاحظة : الكيل تاعكم على حساب السنيوة...انا استعملت سنيوة قطرها حوالي 25سم
بالصحة و الراحة و بالاكو ما تردوليش الخبر
في امان الله